Um leið og fer að vora fara margir að huga að garðyrkju og að koma útsæðinu niður. Strandabyggð hefur hug á að leiga út reiti í Skeljavík til grænmetisræktar á sanngjörnu verði og er um að ræða garða sem eru tilbúnir til niðursetningar, búið að tæta og með aðgangi að vatni.

Áhugasamir eru beðnir um að hafa samband á skrifstofu Strandabyggðar í síma 451-3510 eða á netfangið strandabyggd@strandabyggd.is, til að sækja um reit til ræktunar.

Vegna viðgerðar á vatnslögnum sundlaugar þarf að tæma laugina og verður hún vatnslaus frá og með mánudeginum 11. maí til og með föstudeginum 15. maí.

Mánudaginn 11. maí fer einnig fram viðgerð á busllauginni og verður síðan vatni hleypt á hana í lok vikunnar.

Vonandi verður vorið komið þegar sundlaugin og busllaugin eru tilbúnar.

Þriðjudaginn 5. maí síðastliðinn var efnt til íbúafundar um skólastefnu Strandabyggðar. Vel var mætt til fundarins sem haldinn var í félagsheimilinu á Hólmavík. Í hléi var boðið upp á kaffi og vöfflur með rjóma en nemendur úr 10. bekk grunnskólans sáu um kaffið. Fyrir fundinum lágu drög að nýrri skólastefnu þar sem áhugasamir gátu kynnt sér efni hennar en á fundinum sjálfum var farið í vinnu þar sem þátttakendum var skipað í hópa og lagðar eftirfarandi spurningar fyrir hópana:...
Meira

Gunnar S. Jónsson forstöðumaður Íþróttamiðstöðvarinnar á Hólmavík hefur óskað eftir og fengið leyfi frá störfum vegna veikinda. Á næstu dögum verður auglýst eftir starfsmanni í afleysingar....
Meira

Þessir ungu herramenn úr grunnskóla Hólmavíkur þeir Helgi, Svanur og Róbert heimsóttu mig á skrifstofuna í morgun. Þeit tóku þetta líka fína viðtal í tengslum við samfélagsfræðiverkefni sem þeir eru að vinna í skólanum og upplýsist þar m.a. hvað ég hyggst sýsla við þegar ég ver 63 ára. Þetta fannst mér skemmtilegt.