Miðvikudaginn 10. apríl kl. 17:00 verður Stóra upplestrarkeppnin haldin í Félagsheimilinu á Hólmavík. Þar munu nemendur frá Hólmavík, Drangsnesi og Reykhólum etja kappi. Dómarar keppninnar eru Salbjörg Engilbertsdóttir, Jóhanna Ása Einarsdóttir, Viðar Guðmundsson ásamt fulltrúa Radda, samtökum um vandaðan upplestur og framsögn. Boðið verður uppá tónlistaratriði og veitingar í hléi og eru allir hvattir til að koma og horfa á þessa skemmtilegu keppni.

Vikuna 8.-12. apríl verður dansnámskeið á Hólmavík.
Eins og í fyrra er það er Jón Pétur Úlfljótsson sem kennir frá hinum virta Dansskóla Jóns Péturs og Köru.
Margir dansarar frá þeim hafa náð frábærum árangri í danskeppnum hér heima og erlendis og Jón náði virkilega vel til nemenda í fyrra. Upplýsingar um dansskólann má finna hér www.dansskoli.is

Kennt verður í Íþróttamiðstöðinni á Hólmavík frá mánudegi til föstudags eins og hér segir:
Kl. 13.10-14.00 (1.-3. bekkur)
Kl. 14.10-15.00 (4.-6. bekkur)
Kl. 15.10-16.00 (7.-10. bekkur)

Námskeiðin enda með danssýningu á föstudeginum. Verð: Kr 4400. Afsláttur: Fullt verð fyrir tvö systkini, 1/2 fyrir þriðja og frítt fyrir fjórða
Nemendur eru beðnir að skila skráningu í skólann eða í fyrsta danstíma, mánudaginn 8. apríl.

Þann 2. apríl var alþjóðlegur dagur barnabókarinnar en dagurinn er fæðingardagur H.C. Andersens og dagur sem minnir samfélagið á mikilvægi góðra barnabóka og lesturs.

Eins og undanfarin ár færir IBBY á Íslandi íslenskum börnum smásögu að gjöf í tilefni dagsins. Friðrik Erlingsson hefur skrifað söguna Stóri bróðir en sagan var lesin fyrir nemendur allra grunnskóla í dag, fimmtudaginn 4.apríl kl. 9.10.
Hugsjón IBBY-samtakanna er að auka skilning meðal bæði einstaklinga og þjóða gegnum barnabókmenntir og saga Friðriks mun sannarlega veita nemendum innsýn inn í lífskjör jafningja þeirra sem búa annarsstaðar á jarðarkringlunni. Sagan vekur til umhugsunar um hvernig erfið lífsreynsla getur þrátt fyrir allt leitt til góðs og á fimmtudaginn mun heil kynslóð íslenskra barna deila þeirri lestrarupplifun og taka hana með sér áfram út í lífið.

Í dag er einnig yndislestrardagurinn hjá okkur í grunnskólanum. Af því tilefni fengum við Ásu Ketilsdóttur sagnakonu í heimsókn sem sagði sögur af draugum og öðru fróðlegu og skemmtilegu efni. Kristín bókavörður bauð upp á upplestur á bókasafni. Auk þess sem ýmislegt annað var í boði fyrir nemendur sem tengdist bókmenntum.

Leikritið Tjaldið eftir Hallgrím Helgason verður frumsýnt fimmtudaginn 21. mars kl. 20:00 í Félagsheimilinu á Hólmavík, en hópur ungmenna í leiklistarvali við Grunnskólann á Hólmavík hefur æft leikritið í vetur undir stjórn Arnars S. Jónssonar. Aðstoðarleikstjórar eru Margrét Vera Mánadóttir og Elísa Mjöll Sigurðardóttir. Gróft orðbragð og atriði koma fyrir í sýningunni og því er ekki sérstaklega mælt með því fyrir 12 ára og yngri. Miðaverð fyrir alla aldurshópa er kr. 1.500. Takmarkað sætaframboð er í boði á hverja sýningu, en miðapantanir eru í s. 894-1941 (fyrir kl. 14:00) og s. 776-6885 (eftir kl. 14:00). Fyrstir panta, fyrstir fá!...
Meira

Fræðslufundur um fíkniefnaneyslu og forvarnir gegn henni verður haldinn í Félagsheimilinu á Hólmavík mánudaginn 18. mars kl. 18:00. Það er Magnús Stefánsson framkvæmdastjóri Marita-fræðslunnar á Íslandi sem heldur fyrirlesturinn. Fundurinn er opinn foreldrum, ömmum, öfum og öllum öðrum íbúum í Strandabyggð sem vilja fræðast um þetta brýna málefni. Fyrr um daginn fundar Magnús með ungmennum í grunnskólanum.

Sýnd verður ný heimildarmynd um íslensk ungmenni í neyslu, helstu einkenni fíkniefnaneyslu kynnt og sagt frá því hvernig best er að bregðast við ef grunur um neyslu kemur upp. Mætum öll - tökum þátt - vinnum saman!

Í kvöld, miðvikudagskvöldið 13. mars kl. 19:00, fara fram í Bragganum á Hólmavík fjáröflunartónleikar nemendafélags Grunnskólans á Hólmavík og félagsmiðstöðvarinnar Ozon. Tónskólinn á Hólmavík hefur veg og vanda af tónlistarflutningnum á tónleikunum, en alls munu fimm hljómsveitir skipaðar nemendum úr 5.-10. bekk stíga á stokk og spila vel þekkta slagara ásamt hinum og þessum söngvurum sem jafnan setja mikinn svip á viðburðinn.

Allir eru hjartanlega velkomnir - aðgangseyrir er kr. 1000 fyrir fullorðna, 500 fyrir grunnskólanema og frítt fyrir yngri.

Bókasafnsnefnd Héraðsbókasafns Strandasýslu og Grunnskólinn á Hólmavík auglýsa laust til umsóknar 60% starf forstöðumanns/umsjónarmanns Héraðs- og skólabókasafnsins á Hólmavík. Bókasafnið er til húsa í Grunn- og tónskólanum á Hólmavík....
Meira

Skólahald verður samkvæmt áætlun í dag. Unnið er að mokstri og getur skólaakstri seinkað eitthvað af þeim sökum.

Skólahald fellur niður í dag vegna veðurs.

Skólahald verður samkvæmt áætlun í dag en enginn skólaakstur verður vegna ófærðar. Foreldrar eru sem fyrr beðnir um að meta hvort þeir sendi börnin í skólann. Einnig eru foreldrar beðnir um að fylgjast með veðri í dag og sækja börnin ef bætir í og fræð fer að spillast.