Lausar stöður við Grunnskólann á Hólmavík   2019-2020

• Staða umsjónarkennara á yngsta stigi. Um er að ræða samkennslu í 1. – 2. bekk. Allar almennar kennslugreinar. Áhersla er lögð á jákvæðan aga, samþætt þemabundin verkefni og teymisvinnu.
•  Staða umsjónarkennara á miðstigi. Um er að ræða samkennslu í 5. – 7. bekk. Allar almennar kennslugreinar og áhersla er lögð á jákvæðan aga, samþætt þemabundin verkefni og teymisvinnu.
•  Staða umsjónarkennara á unglingastigi. Um er að ræða samkennslu í 8. – 10. bekk. Allar almennar kennslugreinar og áhersla er lögð á jákvæðan aga, samþætt þemabundin verkefni og teymisvinnu. Starfið er auglýst til eins árs.
• Staða íþróttakennara. Um er að ræða kennslu í skólaíþróttum og sundi og þjálfun íþróttagreina í samstarfi við íþróttafélagið Geislann á Hólmavík.
•  Staða stuðningsfulltrúa. Um er að ræða stuðning við nemanda með sérþarfir og eftirfylgni í grunnskóla- og tómstundastarfi.

Umsækjendur um kennarastöður þurfa að hafa réttindi til kennslu í grunnskóla.  Leitað er eftir einstaklingum með góða skipulagshæfileika og mikla hæfni í mannlegum samskiptum. Reynsla af samkennslu árganga og áhugi á þróunarstarfi eru mikilvægir eiginleikar. Umsækjendur skulu hafa hreint sakavottorð. Starfshlutfall 100%.

Laun eru samkvæmt kjarasamningum Launanefndar sveitarfélaga og Kennarasambands Íslands

Umsóknarfrestur er til 30. apríl 2019.

 

Nánari upplýsingar veitir:

Hrafnhildur Guðbjörnsdóttir, skólastjóri, sími 451 3430, netfang skolastjori@strandabyggd.is

 

Umsóknir með starfsferilsskrá og afriti prófskírteina ásamt upplýsingum um meðmælendur sendist á skolastjori@strandabyggd.is eða Grunnskólinn á Hólmavík, Skólabraut 20-22, 510 Hólmavík

 

 

Við minnum á árshátíð Grunnskólans á Hólmavík í dag 11. apríl klukkan 17:00 í Félagsheimilinu. Á dagskránni eru skemmtiatriði nemenda, foreldrar í 10. bekk selja veitingar á vægu verði og svo verður ball fyrir alla. Skemmtuninni lýkur klukkan 19:00. Allir velkomnir.

Umhverfisnefnd Grunnskólans á Hólmavík stendur fyrir fræðslufundi  þriðjudaginn 26. mars kl. 13:00 fyrir nemendur grunnskólans, foreldra og aðra áhugasama. Stefán Gíslason verður með fræðslu um lýðheilsu- og umhverfismál. Stefán er umhverfisstjórnunarfræðingur, maraþonhlaupari og eigandi og framkvæmdastjóri umhverfisráðgjafarfyritækisins UMÍS ehf. Environice í Borgarnesi en það er fyrirtæki sem veitir ráðgjöf um umhverfismál og sjálfbæra þróun. Stefán er einnig Strandamaður sem margir þekkja þannig að það verður gaman og gagnlegt að fá hann til að fræða okkur um eitt og annað tengt lýðheilsu og umhverfismálum.

Grunnskólanemendur, foreldrar og annað áhugafólk um lýðheilsu og umhverfismál  er velkomið til fundarins sem fer fram í Félagsheimilinu á Hólmavík þriðjudaginn 26. mars kl. 13:00.

 

Lokahátíð Stóru upplestrarkeppninnar í 7. bekk verður haldin 7. mars klukkan 17:00 í Reykhólaskóla. Nemendur í 7. bekkjum skólanna á Hólmavík og Reykhólum taka þátt og lesa upp sögubrot og ljóð. Allt áhugafólk um vandaðan og áheyrilegan upplestur er velkomið á hátíðina.

 

Nemendur á miðstigi í Grunnskólanum á Hólmavík hafa undanfarið unnið að verkefnum tengdum jafnrétti og beint sjónum sínum að aðstöðu flóttafólks í heiminum.

Sveitarstjórnarfundur 1285 í Strandabyggð

Fundur nr. 1285 í sveitarstjórn Strandabyggðar verður haldinn þriðjudaginn 12. febrúar 2019 kl 16:00 í Hnyðju.

 

 

Fundardagskrá er svohljóðandi:

...
Meira

Kynning á slagverki fyrir ungt fólk

Jón G. Breiðfjörð Álfgeirsson mun halda slagverks námskeið fyrir ungt fólk á aldrinum 8-15 ára þann 9. og 10. febrúar
Námskeiðið fer fram í Tónskólanum á Hólmavík
Kostar 10.000 á barn (15 þúsund á systkini)
Muna að taka með sér góða skapið.
Tímasetning:
9.febrúar
13:00-15:00
16:00-18:00
10. febrúar
11:00-13:00
14:00-16:00
Eldri trommarar gætu fengið námskeið að kvöldi.

Íþróttahátíð Grunnskólans á Hólmavík verður haldin þriðjudaginn 29. janúar 2019, klukkan 17:00 í Íþróttamiðstöðinni.
Nemendur bjóða foreldrum og öðrum gestum til hollrar hreyfingar, leiks og skemmtunar.
Tilkynnt verður um val Íþróttamanns Strandabyggðar og veglegur verðlaunagripur afhentur.
Félagsmiðstöðin Ozon sér um samlokusölu.
Allir velkomnir.

Verðlaunaafhending Landsbyggðarvina verður í Hnyðju laugardaginn 26. janúar klukkan 13:00 - 14:00.

Verðlaun verða afhent í samkeppninni Heimabyggðin mín - framtíðin er núna!
Nemendur kynna verðlaunahugmyndir
Tónlistaratriði
Léttar veitingar
Góðir gestir

Allir velkomnir

Litlu jól Grunnskólans á Hólmavík verða í Félagsheimilinu 19. desember klukkan 13:00 - 15:00.
Nemendur flytja atriði á sviði, gengið verður í kringum jólatréð og jólasveinarnir hafa lofað að mæta.
Jólahljómsveitin Grunntónn leikur undir söng. Allir velkomnir.