Guðrún Þorkelsdóttir kom með um 1500 tonn af Kolmunna á Þriðjudaginn fyrir viku,  síðan kom hún Venus með 2300 tonn og Víkingur landaði svo í fyrradag 2500 tonnum. Sigurður VE 15 er svo að koma til löndunar um miðnættið með 2700 tonn, samtals rúmlega 9000 tonn. Elstu menn muna ekki annað eins af lönduðum fiski á einni viku hér á Vopnafirði. Þetta væri ekki hægt nema að fisk-mjölsverksmiðjan gangi á fullum afköstum en hún getur unnið úr um 1300 tonnum á sólarhring. Til að vinna þennan afla þarf orku og fyrir nokkrum árum var eingöngu notast við jarðefnaeldsneyti (olíu) en núna er notuð 15 megavött af  rafmagni. Til að setja þetta í samhengi þá notar allur Vopnafjörður 4 megavött á góðum degi. En eins og fyrr sagði þá er það glæsilega systurskip Venusar og Víkings, Sigurður VE að að landa hér næsta sólarhringinn.

 

Rafmagnstruflanir geta orðið frá kl 08:00 til kl 19:00 dagana 2-5 Nóvember í Vopnafirði, Borgarfirði, Seyðisfirði, Mjóafirði, Neskaupsstað og á Héraði. Vegna vinnu við háspennulínu Landsnets Eyvindará. Nánari upplýsingar veitir Svæðisvakt RARIK Austurlandi í síma 528 9790 og kort af svæðinu má sjá á www.rarik.is/rof

Það er búið að vera austan fíla hér í Vopnafirði í morgun, fyrst með snjókomu og síðan slyddu um hádegi og núna rigningu. Óskað var eftir því að foreldrar kæmu til að sækja börn í skólann eftir hádegið og gekk það vel. Ekki er vitað um mikið tjón en girðingin við skólann gaf sig samt undan þunga krapa sem safnaðist í hana eftir hádegið og austan rokið setti hana um koll. Björgunarsveitin hefur ekki verið kölluð út í nein verkefni en hún fór þó í eitt lítið þjónustuverkefni fyrir Neyðarlínuna eftir hádegi.

Veður var nokkuð gott í dag í kringum Vopnafjörð og margir sem nýttu sér það og fóru eitthvað út.

Margir fóru á vélsleðum upp um fjöll og inn til heiða og aðrir fóru á jeppum. Félagar úr Vopna fóru meðal annars til þess að kanna snjóalög og huga að húsakosti sínum á fjöllum. Austara hús á Urðum var á sínum stað og allt í sómanum þar.

Það var bara nokkuð gott að vera sambandslaus á fjöllum í dag án þess að lesa eða heyra slæmar fréttir eins og hafa dunið á okkur undan farna daga. Vonandi fáum við ekki fleiri slæmar fréttir næstu vikurnar, þetta er komið nóg.
Hér eru nokkrar myndir frá deginum https://photos.app.goo.gl/htgoU6X8oiB2LWPV6

Slæmt ástand á raflínum á milli Raufarhafnar og Húsavíkur.

Síðustu dagar haf verið annasamir hjá Rarik og Lansneti við að koma á rafmagi víða á norður og norð-austurlandi. Björgunarsveitir Landsbjargar hafa aðstoðað við þessa vinnu eins og þeir geta og dag fóru nokkrir úr Vopna til að aðstoða að koma rafmagni á í Axarfirði. Unnu þeir við hlið félaga úr björgunarsveitinni Stefáni í Mývatnsveit ásamt starfsmönnum Rarik og Landsnets.

Félagar úr björgunarsveitinni Garðari á Húsavík voru svo á fullu að grafa upp línu á Tjörnesi en þar varð mikið tjón á raflínumannvirkjum

Rafmag ætti að komast á hluta Axarfjarðar í kvöld ef vinna gengur vel.

Eins og flestir vita þá hefur geysað óveður víða á landinu síðasta sólarhringinn með almennum leiðindum fyrir marga. Hér á Vopnafirði sluppum við vel eins og oft áður. Rafmagnið fór í 10 mínútur í morgun og veðrið var slæmt í hálftíma á milli hálf tíu og tíu. Hér er enginn snjór en smá vindur, kannski 15 m/s.
Björgunarsveitin fékk ekkert útkall á Vonafirði en var beðin um að aðstoða á Bakkafirði en það var svo afturkallað rétt eftir að sveitin var lögð af stað norður.