Á fimmtudaginn var farið í ferð á nokkrum jeppum yfir hálendi Íslands.
Safnast var saman á Egilstöðum og haldið þaðan sem leið lá upp á...
Meira

Í nótt var bíl stolið á Vopnafirði og honum ekið á fóðurtank sem stóð við Eldisfóður skammt utan við vegagerðarhúsið. Við áreksturinn fór tankurinn á hliðina svo höggið hefur verið talsvert. Bíllinn sem er Ford Econoline er stórskemmdur eftir ferð næturinnar og fóðurtankurinn einnig. Enn er ekki vitað hver eða hverjir voru að verki en Lögreglan rannsakar málið og biður þá sem gætu gefið upplýsingar um málið að hafa samband í síma 470-2138

Björgunarskipið Sveinbjörn Sveinsson var í gær hífður upp á bryggju en til stendur að botnmála hann og fara yfir ýmislegt annað. Það var verktakafyrirtækið Hagtak sem gerði björgunarsveitinni þann greiða að "kippa" skipinu upp á bryggju en með því að gera þetta hér heima sparast umtalsverður kostnaður miðað við að fara með skipið í slipp en Hagtaksmenn gera þetta fyrir ekki neitt og kunnun við þeim miklar þakkir fyrir.

Eins og kunnugt er fékk Vopni nýja björgunarbifreið á dögunum og í dag komu björgunarsveitin Hafliði á Þórshöfn til að skoða gripinn. Þeir eru með Hömmer sem þeir eru reyndar búnir að selja fyrir góðan pening og eru því að velta vöngum yfir hvernig bíll á að fylla það stóra skarð sem hann skilur eftir sig. Til að fá samanburð á Landcruiser þá komu Björgunarsveitin Ísólfur frá Seyðisfirði með Nissan Patrol breyttan á "44 en hann kom nýr til Seyðfirðinga í sept. 2006

Nú standa yfir "opnir dagar" í Vopnafjarðarskóla og er „Samfélagið okkar" til umfjöllunar eins og á síðasta skólaári. Nú á að kynna landbúnað frekar með því að sækja sveitina heim og fá fræðslu um Björgunarsveitina og Slökkviliðið. Eins munu nemendur vinna verkefni í sambandi við þetta og fá fræðslu um skyndihjálp.