Um kl. 15.00 í dag kom beiðni um aðstoð frá Marteini NS-27 en hann varð vélavana út af Strandhöfn í Vopnafirði. Ekki var um teljandi hættu að ræða en vindátt var hagstæð og rak bátinn með landi.

Bátsverjar á Marteini voru að draga línu þegar vélin bilaði en núna er komin taug í björgunarskipið Sveinbjörn Sveinsson sem er að draga bátinn til hafnar á Vopnafirði.

Marteinn NS-27 var smíðaður úr plasti 1988 í Guernesey á Englandi og er 11.85m á lengd og er 14.7 brúttótonn á þyngd.

Allt tiltækt slökkvilið var kallað út um miðnættið í gærkvöldi, en klukkan sex mínútur í tólf var tilkynnt um eld í fiskimjölsverksmiðju Granda á norðanverðum Grandagarði. Í ljós kom að eldurinn logaði í brennsluofni og trommlu í mjölþurrkunarbúnaði í húsinu. Að sögn Slökkviliðs höfuðborgarsvæðisins var eldurinn bundinn við þennan búnað og breiddist ekki út en reykur fór um allt húsið, sem er fimm hæðir. Búið var að reykræsta húsið um klukkan 3 í nótt. Einhverjar reykskemmdir urðu á húsinu.

Nóg var að gera að kvöldi 21.jan hjá björgunarsveitinni Vopna en það byrjaði á útafkeyrslu um kl.19:00 þar sem ökumaður missti bíl sinn útaf fyrir ofan Sandvíkina....
Meira

Það var mikið fólki sem mæti á þorrablót í félagsheimilið Miklagarð á laugardagskvöldið. Það voru tæplega þrjúhundruð manns sem borðuðu íslenskan þorramat á meðan þorrablótsnefnd matreiddi skemmtiatriði ofan í liðið. Það var mál manna að vel hafi tekist til með upprifjun á því sem þótti broslegt á síðasta ári og enginn hafi orðið verulega sár.

Í gær var bóndadagur og þorrinn byrjaður með kulda og trekki. Það er þó ein veik von en sólin er að hækka á lofti þó hægt fari. Ég brá mér í kuldanum í gær og tók nokkrar vetrarmyndir þar sem sólin skein veikum geislum yfir fjallatoppana.