Í gær var jólaballið haldið í félagsheimilinu. Þar var mikið af fólki og börnum í jólaskapi sem dönsuðu í kringum jólatré. Einnig komu jólasveinar sem tóku lagið og gáfu börnunum nammi og þegar allir voru farnir að vera svolítið þreyttir eftir allt trallið var boðið upp á kakó og kökur
Í morgun voru nokkrir vaskir jólasveinar að færa góðum krökkum gjafir. Þeir komu við á Fagrahjallanum og hittu m.a. þær Kamillu Huld og Karólínu Dröfn og gáfu þeim pakka og fengu sjálfir mandarínur frá þeim systrum að launum.
Það er alltaf jafn notalegt að koma í Kaupvang á Þorláksmessu og njóta þess að hlusta á fagra tóna listafólks og fá sér heitt kakó með rjóma.
Þegar sól fer að hækka á lofti eftir vetrarsólstöður og
daginn að lengja er stundum sagt að munurinn nemi hænufeti á dag. En
hversu stórt skyldi þetta hænufet vera?
Nú er jólaundirbúningur í algleymi og jólaljósin skreyta hús og garða. Svo má líta til himins og sjá allt skrautið sem þar fer um þegar sólin reynir af veikum mætti að skína.
