Heppuskóli frá Höfn sigraði í Skólahreysti á Egilsstöðum í dag. Yfir 500 áhorfendur studdu sinn skóla og að sögn nokkura sprækra áhorfenda var stemmningin gríðarleg.

Það voru þau Gísli Freyr, Bjarki Björnsson, Björk Björnsdóttir og Sara Aníta sem voru fulltrúar Vopnafjarðarskóla og stóðu sig mað prýði og urðu í 7.sæti Eftir úrslit dagsins varð ljóst að Heppuskóli mun keppa í úrslit Skólahreysti 2007 þann 26.apríl. Keppnin í dag verður sýnd í þætti á Skjá einum klukkan 20:00 á þriðjudagskvöldið næst komandi.

Farið var að skera loðnu í morgun hjá HB Granda á Vopnafirði en Víkingur AK kom í gærkvöld með fullfermi sem veiddist vestan við Eyjar. Verið er að landa úr Faxa á Akranesi og er von á Ingunni þar í kvöld með fullfermi og er hrognataka það einnig í fullum gangi.

Sunnuberg landaði á Akranesi í gær og hélt á miðin í gærkvöldi en er nú á leið til Vopnafjarðar með fullfermi.

Um kl 17:00 í gær var Björgunarsveitin Vopni beðin um aðstoð vegna ökumanns sem hafði misst bíl sinn útaf rétt við útsýnisplanið á Hellisheiðinni. Var farið á Vopna1 og bögglast yfir heiðina en talsverð ófærð var, vont veður og mikil ofankoma. Var bíllinn síðan aðstoðaður yfir heiðina en gekk það seint fyrir sig sökum ófærðar. Komið var til byggða um kl 20:30.
Ferilvöktunarbúnaður sem er í nýja bílnum virkar vel en hann sendir reglulega staðsetningu bílsins í gegnum gervihnattasíma þannig að öðrum er kleift að fylgjast með hvar við erum staddir þá og þegar. Stillanlegt er hvað oft er hringt þannig að þegar mikið er um að vera látum við senda oftar staðsetningu. Á myndinni hér til hliðar sést hvar Vopni 1 er efst í Jökuldalnum á Hellisheiðinni en þar var ófærðin mest og mesta brasið.

Í gær, 11.2., fékk björgunarsveitin Vopni afhentan nýjan Toyotu Landcruser 120 á 39,5 tommu dekkjum. Það var Toyotu verkstæðið sem sá um breytingar á bílnum en Radioraf sá um alla rafmagnsvinnu. Bíllinn er vel tækjum búinn en auk GPS tækis er hann með PC tölvu, Iridium gervihnattasíma, Tetra talstöð, VHF talstöð, NMT síma og fl.

Einnig fékk sveitin öflugt Hagglund beltatæki sem styrkir sveitina enn frekar. Það verður búið öllum helstu tækjum sem þarf að hafa til komast um við verstu aðstæður.

Nokkrir aðilar hafa styrkt Vopna til bílakaupana en kaupverð á Toyotu bílnum er um 7.500.000.- og Hagglundinn er um 1.000.000.- Þeir sem vilja styrkja sveitina til þessara kaupa geta lagt inn á reikning í Landsbankanum en hann er : 0178-26-100 og kennitalan er 491100-2220. Öll framlög smá sem stór eru vel þegin.

Björgunarsveitin Vopni var beðin um að svipast eftir fólki sem lagði af stað frá Egilsstöðum kl 16:20 í gær og ætlaði Hellisheiði. Vopni 1 lagði af stað kl 18:40. Fannst fólkið í svo kölluðum Jökuldal sem er upp á Hellisheiði og var það tekið upp í björgunarsveitarbílinn og farið með það til byggða og fólksbíllinn skilinn eftir. Ekkert amaði að fólkinu en það hafði fest bílinn í snjóskafli og gat ekki látið vita af sér því ekkert GSM samband er á Hellisheiði.
Reyndist nýja björgunartækið frábærlega við erfiðar aðstæður en snjórinn var upp á húdd þar sem hann var mestur.