17.júní var undirritaður styrktarsamningur á milli Landsbankans á Vopnafirði og Einherja. Samningurinn er til tveggja ára og er 250 þúsund hvort ár til Einherja en björgunarsveitin Vopni fær eingreiðslu upp á 250 þúsund samkvæmt samningnum. Svo ef eða þegar Einherji vinnur leik borgar Landsbankinn 10 þúsund kr. sem skiptast á milli Einherja og Vopna.

...
Meira

Tombóla verður haldin á laugardaginn við verzlunina Kauptún til styrktar Rauðakrossi Íslands. Það eru nokkrar eldhressar stelpur af Fagrahjallanum, Lónabrautinni og Skálensgötunni sem ætla að standa fyrir þessari söfnun. Er einlæg ósk þeirra að þú komir við hjá þeim og kaupir miða.

Þá er búið að opna Hellisheiði aftur. Hún var rudd snemma í vor og var þá miklu minni snjór á henni en núna. Það eru margra metra hátt stál í Skarðbrekkunni og fínt sleðafæri og verður það örugglega fram í júlí miðað við veðurspá.
Þetta er búið að vera ferlega kalt vor en 17.maí kom hreinlega vetur aftur og er búið að snjóa bæði í byggð og í fjöll í heilann mánuð. Það kom næstum því sól í dag og ég var ekki frá því að ég hefði séð einhvern á stuttbuxum og ermalausum bol á ferðinni úti. Veðrið hefur oftast versnað 17. júní svo við eigum ekki von á góðu á morgun.

Grænfáninn er viðurkenning fyrir markvissa umhverfisstefnu og er alþjóðlegt verkefni, sem nýtur virðingar víða í Evrópu, sem tákn um árangursríka fræðslu og umhverfisstefnu í skólum. Að vera skóli á grænni grein er verkefni sem stuðlar að því að efla vitund nemenda, kennara og annarra starfsmanna skóla um umhverfismál. Leikskólar og skólar fá Grænfána...
Meira

Í sumar geta Vopnfirðingar keypt aðgangskort að Minjasafninu á Bustarfelli sem gildir í allt sumar að safnadeginum 10. júlí undanskildum. Viljum við með þessu hvetja Vopnfirðinga til að líta oft við og jafnvel koma með gesti sína á þetta einstaka safn sem við höfum hér við bæjardyrnar. Aðgangskortið kostar 700 kr. fyrir fullorðna og 100kr. fyrir börn á aldrinum 9 - 13. ára. Minjasafnið er opið alla daga til 10. september frá kl. 10:00 til 18:00 Kaffihúsið Hjáleigan er opin alla daga til 10. september frá kl. 12:00 til 18:00. sjá nánar á bustarfell.is