Það er oft gott að horfa til baka eða suðvestur eins og Rökkvi gerði í dag og þá varð þessi mynd til. Vopnafjörður í 13 gráðu hita í byrjun desember.

Sunnan vindur hefur verið að skornum skammti þetta árið og því hefur hitinn ekki verið að plaga okkur hér á Vopnafirði. Sumum þykir það kostur því alltaf er hægt að bæta á sig klæði til að halda á sér hita. En í gær fór hitinn í 17° og það þykir gott í júlí, hvað þá í desember. Núna er hitinn „bara“ 13° en það er notalegt í logninu.

Fréttir af uppsjávarparinu Venus og Víking eru þær að það er rólegt á miðunum, svona á milli 10 og 19 tonn á togtímann sem skilaði t.d. 190 tonnum í lestarnar á Venus í síðasta hali.  Venus er komin með 680 tonn en Víkingur 280 tonn.

Kalt en bjart á Vopnafirði í dag.

Nú er dagurinn orðin stuttur og sólin lágt á lofti. Þessi mynd varð til í dag kl 13:45 og sýnir vel hvað sólargangur er stuttur.

Venus er á leiðinni heim með 2300 tonn af kolmuna sem fengust að mestu austur af Færeyjum í 15 daga veiðiferð en hún hélt úr höfn úr Reykjavík 13.okt. Venus verður í höfn á Vopnafirði seinni partnn í dag . Vikingur er kominn með um 2000 tonn og er á veiðum á svipuðum slóðum og Venus var.

það er ýmisleg reynt á Vopnafirði

Rjúpnaveiðar gengu sæmilega hjá mér í dag en langt var farið eftir þeim fallegu að þessu sinni. Farið var langt inn á fjöll eða inn í Möðrudal. Ekki var mikið að frétta hér í og við Vopnafjörð í dag hvað rjúpnaveiði varðar.

 Uppsjávarskipin okkar eru á Kolmunnaveiðum austan við Færeyjar og er Venus komin með rúm þúsund tonn en Víkingur sem fór með veiðafærin í viðgerð í Fuglafjörð í gær en er kominn aftur á miðin er með 440 tonn.
Einu sinni var prófað að ala þorsk í Vopnafirði og þá varð þessi mynd til. Manstu hvenær ?

Þessi var tekin af Mælifellinu í dag 22.11.2019

Það er ekki mikið að gerast hér en samt, næst síðasta rjúpnaveiðihelgin er hafin en ekki með látum. Það sem kannski fréttnæmast er að það er bílfært yfir vaðið á Selá við Aðalból, á ís. Ég fór þarna yfir í kvöld og ísinn hélt. Leiðin niður í vesturárdal er vel greiðfær líka. Víkingur er inn í Fuglafirði með bilað troll en hann „tók“ veðrið heldur harkalega þegar hann fékk veðurdufl í veiðafærin sem skemmdust við það tilefni.  Venus er komin með 790 tonn af Kolmunna norðvestur af Færeyjum.

Annars er best að slaka sér á kaffihúsinu Kaupvangskaffi eftir veiði eða bara hvað sem er en þar er opið öll kvöld frá 17 til 20  

Tveir blautir á bak við eyrun.

Nú eru tvær veiðihelgar búnar af rjúpnaveiðitímabilinu en það má veiða frá 1. nóvember til 30. nóvember.  Rjúpan fékk ákveðinn frið fyrstu helgina í Vopnafirði. Undirritaður var hafður í vinnunni alla helgina og komst ekki neitt til rjúpna. Ég var samt nokkuð slakur því að veiði beið mín eftir helgina á suður Englandi en þar átti ég að geta skotið fashana og akurhænur að vild.