Björgunarskip Slysavarnafélagsins Landsbjargar, Sveinbjörn Sveinsson, fór í fyrradag að sækja bát sem var með bilaðan gír um 33 sjómílur austur af Bjarnarey. Veður á svæðinu var þokkalegt, þar var vestan gola eða kaldi og ekki var talin hætta á ferðum. Tveir menn voru um borði í bátnum. Útkallið tók eitthvað um 8 klst. Farið var úr höfn um 16:00 og komið aftur rétt fyrir kl 24:00. Ekkert amaði að mönnunum og gekk ferðin vel.
Í gær var svo farið út að hólma en þar hafði trilla strandað, vel gekk að ná henni á flot og sigldi hún fyrir eigin vélarafli að bryggju.

Í kvöld var svo farið inn á Vopnafjarðarheiði til að aðstoða tvær konur en þær höfðu fest bíl sinn við neyðarskýlið Sjafnarbúð. Gátu þær kallað eftir hjálp með neyðartalstöð sem þarna er staðsett og var þá farið strax af stað þeim til aðstoðar og gekk það vel