Í dag fóru félagar í björgunarsveitinni Vopna með starfsmann Neyðarlínunnar upp á Hellisheiði til viðgerða en þar eru loftnet og sendibúnaður sem vaktstöð siglinga notar til að taka á móti skeytum frá skipum og bátum á norð-austurmiðum.  Voru sett upp tvö ný loftnet í stað þeirra sem voru biluð og gekk það verk vel og ættu bátar og skip að vera komin í gott samband við vaktstöðina núna.

Óvenju lítill snjór er á veginum upp á Hellisheiði miðað við árstíma og ekki reyndist mikið mál að komast upp á vel búnum björgunarsveitarbílum þrátt fyrir brattann og aðstæður .