Góðan daginn Okkur í æskulýðsfélaginu langar til að vekja athygli á öllu því sem við erum búin að gera hérna á Vopnafirði á vinavikunni. Við erum búin að skreyta öll fyrirtæki og koma fólki á óvart með skreyta hús og bíla með hjörtum og vinalegum kveðjum.

Á miðvikudaginn löbbuðu við í hús og buðum öllum upp á kex og sungum eða dönsuðum fyrir fólk. Svo á fimmtudaginn höfum við fengið nær alla krakka á Vopnafirði í leikskólanum og grunnskólanum til að koma í skrúðgöngu með okkur. Þetta hefur vakið mikla athygli hjá íbúum bæjarins og þar á meðal ætlar sveitastjórinn sjálfur og fleiri að ganga með okkur.

Á föstudaginn verðum við með ýmsar óvæntar uppákomur þar á meðal ætlum við að hjálpa fólki að raða í poka, bjóða upp á frítt knús o.fl. Einnig ætlum við heimsækja fólkið á hjúkrunarheimilinu.

Á sunnudaginn verður árlegt Kærleiksmaraþon æskulýðsfélagins Kýrosar. Þá munum við ganga í hús og bjóða hjálp okkar við ýmis húsverk og þá verður opið hús í safnaðarheimilinu, þar sem við gefum öllum vöfflur, kaffi og djús – ókeypis.

Okkur þætti vænt um ef það væri hægt að vekja athygli á öllu því sem við höfum verið að vinna að. Það er líka mjög skemmtilegt fyrir fólk að taka þátt í þessu. Svo mælum við með því að fólk sýni það besta í sér í þessari viku og alla aðra daga, t.d. með því að brosa, heilsa og vera jákvæð

Vinakveðja frá Vopnfirði
Matthildur - 846 6467
Heiðar- 868 9750
Karítas Anja