Um helgina fóru krakkar úr unglingadeild Vopna í ferð að Arnarvatni eða Skálamó eins og það hét árum áður. Gengið var frá Kálffelli en þangað var krökkunum keyrt af Sundlaugarrútunni. Gist var ein nótt á Arnarvatni og síðan var gengið þaðan morguninn eftir niður að Hauksstöðum. Hægt er að ímynda sér að það sé mikið fjör þar sem tuttugu hressir unglingar koma saman og svo var það líka núna. Farið var í leiki úti og inni, spilað á gítar og sungið eins og enginn væri morgundagurinn. Markmiðið með svona ferð er að kenna þeim undirstöðu í ferðamennsku og að hafa gaman af lífinu. Auðvitað var myndavélin höfð með og nokkrar myndir teknar.