Um síðustu helgi var þorranum blótað að Vopnfirskum hætti í félagsheimili staðarins. Rúmlega tvöhundruð manns mættu á blótið en er það heldur færra en síðustu ár enda vantaði marga mæta flóttamenn sem hafa það fyrir venju að skreppa austur á blót. En blótið var haldið með hefðbundnum hætti með skemmtun söng og sögum, meðan fólk raðaði í sig súrum eistum og öðru góðgæti.