Íslenska ríkið var í tveimur þjóðlendumálum sýknað af kröfum landeigenda í Vopnafirði fyrir Héraðsdómi Reykjavíkur. Dómurinn staðfesti úrskurð Óbyggðanefndar frá árinu 2007 um að landsvæði norðvestan Kistufells og utan landamerkja Þorvaldsstaða og Hamars í Selárdal væri þjóðlenda. Þá var einnig staðfest að land Mælifells og Selsárvalla væri þjóðlenda. Í báðum tilfellum höfðu landeigendur fengið gjafsókn. Málskostnaður fellur niður en gjafsóknarkostnaður, samtals 2,1 milljón króna, greiðist úr ríkissjóði.