Vopnafjörður er þekktur fyrir veðursæld og laxveiðiár og ýmislegt annað þó lítið hafi farið fyrir góðu veðri þetta sumarið. Veðrið hefur þó heldur lagast síðustu daga og var ég í þessu góða veðri við eina af laxveiðiám Vopnafjarðar með góðum vinum mínum að norðan. Vesturdalsá er ekki sú stærsta hér en afar falleg og nett á og gaman að veiða í henni. Við félagarnir vorum við veiðar í 3 daga og fengum á land 33 laxa og nokkrar bleikjur til að gera þetta meira spennandi. Nú er að ganga í garð besti veiðitíminn og er laxinn að bunkast í árnar svo fjörið verður mikið á næstu vikum.