Ég rakst á þennan hressa strák niður á bryggju sem hafði ásamt pabba sínum veitt þennan fallega silung. Björgvin Geir heitir þessi gutti og er Garðarsson og hann sagði mér frekar stoltur að pabbi sinn hefði veitt hann með berum höndunum og jú, Garðar staðfesti þetta við mig og bætti því við að hann hefði tekið hann úr polli við hliðina á smábátahöfninni. Í svipinn man ég ekki eftir því að það rynni lækur í þessa tjörn eða úr henni svo þetta er frekar sérstakt. En svona er þetta í veiðinn, sumir eru bara alveg með þetta.