Einn er alvarlega slasaður eftir að jeppi með þremur mönnum fór út af í beygju austanmegin í Hellisheiði eystri um klukkan þrjú í gær. Beita þurfti klippum til að ná manninum út bifreiðinni og var maðurinn síðan fluttur með sjúkraflugi á sjúkrahús í Reykjavík.
Mjög bratt var þar sem slysið átti sér stað fór jeppinn um 50 til 60 metra niður og stöðvaðist á veginum fyrir neðan. Þrír íslenskir menn á fertugs- og fimmtugsaldri voru í bílnum og eru hinir tveir mun minna slasaðir. Tildrög slyssins liggja ekki fyrir en líklegt að hvass vindur eigi sinn þátt í að svona fór en bálhvasst var á slysstað.