Fimmtándi árgangur Sjómannadagsblaðs Austurlands er kominn út og er blaðið tæpar 90 síður að stærð, prýtt vel á annað hundrað ljósmynda.
Sem fyrr eru efnistökin fjölbreytt en á meðal efnis í blaðinu er ítarleg frásögn af hörmulegu sjóslysi er Sigurfari SF-58 fórst í innsiglingunni til Hornafjarðar árið 1971. Um borð voru 10 menn og fórust átta þeirra. Fjöldi fólks í landi varð vitni að slysinu en gat ekkert aðhafst til bjargar.

Þá er sagt frá komu kafbátar til Neskaupstaðar árið 1980 og Már Karlsson, á Djúpavogi, segir frá kynnum sínum af konu með dulræna hæfileika.

Skyggnst er inn í tilveru austfirskra sjómanna á fiskveiðum við Afríku og Reynir Zoëga rifjar upp stríðsárin hin síðari er hann var af Bretum og Bandaríkjamönnum talinn hættulegastur Norðfirðinga. Var hann settur á svartan lista og njósnað um ferðir hans. Margt fleira er að finna í blaðinu svo sem umfjöllunum um hákarlaútgerð, hvalveiðar Ameríkumanna og sagðar sögur af kostuglegum sjómönnum og fleira.

Ritstjóri Sjómannadagsblaðs Austurlands er Kristján J. Kristjánsson, frá Norðfirði.