Um kl. 07:30 var björgunarsveitin Vopni kölluð út en þá var garðhýsi að fjúka í Skálanesgötu og þakplötur farnar að losna á gömlu fangageymslunni. Gekk vel að festa niður það sem var að fjúka og var aðgerðum lokið rúmum klukkutíma síðar.
Kl. 07:00 í morgun var vindhraðinn á Skjaldþingsstöðum 26 m/s og verstu hviður fóru upp í 46 m/s. Vindur hefur smá saman verið að ganga niður og núna um hádegið voru 22 m/s og hviðurnar 36 metrar. Ekki hefur verið tilkynnt um frekara tjón og má það teljast nokkuð gott miðað við veðurhæð.