Ingi Eðvaldsson verkstjóri vegagerðarinnar á Vopnafirði sagði mér í dag að nýi vegurinn um Vesturárdal væri nú opinn fyrir allri umferð, búið væri að setja stikur en það á eftir að sópa lausa malarlaginu af síðustu 9 km fyrir ofan Hauksstaði og þar er hraðatakmörkun 50 km. Þetta er að sjálfsögðu bylting í vegamálum hér á Vopnafirði , að geta loks farið á bundnu slitlagi til Reykjavíkur frá Vopnafirði ef menn velja það. Síðasti kaflinn verður sópaður eftir helgi en sjálf verklokin verða næsta sumar en það á eftir að laga vegaxlir og annan frágang. Til hamingju Vopnfirðingar.