Vopnafjörður / Fréttir / Mikill viðsnúningur í rekstri HB Granda.

Mikill viðsnúningur í rekstri HB Granda.

Lundey NS 14 - Mynd Jón Sigurðarson

Hagnaður HB Granda hf. á fyrri árshelmingi ársins 2007 nam 2.933 mkr, en árið áður var tap félagsins 2.558 mkr.

Á heimasíðu HB Granda segir: ,,Rekstrartekjur HB Granda hf. á fyrri árshelmingi ársins 2007 námu 8.179 mkr, samanborið við 7.670 mkr á sama tímabili í fyrra. Rekstrarhagnaður fyrir afskriftir (EBITDA), án söluhagnaðar skipa, var 1.930 mkr eða 23,6% af rekstrartekjum, samanborið við 1.647 mkr eða 21,5% árið áður. Við bætast 609 mkr vegna hagnaðar af sölu Engeyjar að frádregnu tapi af sölu Sunnubergs.

Rekstrarhagnaður af eigin starfsemi var 1.956 mkr, en var 1.034 mkr á sama tímabili árið áður. Áhrif fjáreignatekna og fjármagnsgjalda voru jákvæð um 1.684 mkr, en neikvæð um 4.123 mkr árið áður. Munar þar miklu um gengismun og verðbætur lána, sem voru jákvæð um 1.965 mkr á fyrri árshelmingi 2007, en voru neikvæð um 3.762 mkr árið áður. Áhrif hlutdeildarfélaga voru neikvæð um 17 mkr, en jákvæð um 34 mkr árið áður. Hagnaður fyrir tekjuskatt var 3.623 mkr á móti 3.054 mkr tapi á fyrstu sex mánuðum fyrra árs.

Jón Sigurðarson | mánudagurinn 27. ágúst 2007