Árleg styrkveiting úr Menntasjóði Lindarinnar fór að þessu sinni fram föstudaginn  6.mars í Miklagarði.  
Þetta er í ellefta skipti sem Menntasjóður úthlutar styrkjum til vopn-firskra kvenna sem stunda nám heima eða heiman.  Að þessu sinni hlutu styrk  þær Hrund Snorradóttir, Ester Ósk Hreinsdóttir og Elva Hjálmarsdóttir.  
Þær eru allar í háskólanámi.
Frá 1998 að Menntasjóður hóf styrkveitingar hafa 33 konur hlotið styrk og upphæðir sem greiddar hafa verið í styrki eru rúmar 1 ½ miljón kr. án framreiknings.   Hefur þessi stuðningur hjálpað styrkþegum þó upphæðir hafi ekki alltaf verið háar.  
Mikil áhugi er fyrir fjarnámi og framhaldsnámi sem má flokkast undir endurmenntun á Vopnafirði.  Áhugi kvenna verið ríkjandi en karlar að sækja í sig veðrið og amk tveir munu ljúka iðnnámi undir merkjum raunfærnimats á komandi haustdögum.  Vænta margir sér  mikils af því námi svo sem öllum námi sem eykur starfshæfni og lífsfærni.  Möguleikar sem nú opnast með starfsemi starfsstöðvar Þekkingarnets í Kaupvangi eru spennandi og eiga eftir að koma sér vel í baráttunni fyrir betra og fjölbreyttara mannlífi.