Maðurinn sem Björgunarsveitin Vopni hóf eftirgrenslan eftir í morgun fannst heill á húfi á Aðalbóli í Mælfellheiði. Hann hafði fest bílinn í mýri skammt frá Aðalbóli og gat ekki látið vita af sér. Hann fór seinnipartinn í gær upp veginn í Selárdalnum og ætlaði í Aðalból og koma aftur til baka um kvöldið en þegar hann hafði ekki skilað sér í morgun var haft samband við björgunarsveitina Vopna.