Þegar fer að hausta fara flestir bændur að huga að reka af fjalli og heimta sauðina en ekki allir. Laxabændur fá veiðimenn til að safna löxum í sérstakar kistur yfir sumarið og síðan eru laxarnir fluttir á fjall upp fyrir alla fossa og flúðir til að fjölga hrygningarstöðum í ánni þegar haustar. Í dag voru laxabændur í Selá að flytja lax með aðstoð björgunarsveitarinnar Vopna upp undir rætur Mælifells.