17.júní var undirritaður styrktarsamningur á milli Landsbankans á Vopnafirði og Einherja. Samningurinn er til tveggja ára og er 250 þúsund hvort ár til Einherja en björgunarsveitin Vopni fær eingreiðslu upp á 250 þúsund samkvæmt samningnum. Svo ef eða þegar Einherji vinnur leik borgar Landsbankinn 10 þúsund kr. sem skiptast á milli Einherja og Vopna.

Það voru þau Einar Björn Kristbergsson formaður Einherja og Svanborg Víglundsdóttir útibússtjóri Landsbankans á Vopnafirði sem undirrituðu samninginn en Jón Sigurðarson formaður Vopna tók á móti ávísun upp á 250.000.-kr. Fyrir hönd Björgunarsveitarinnar Vopna vill Jón Sigurðarson formaður Vopna þakka Landsbankanum og Einherja kærlega fyrir stuðninginn og öllum Vopnfirðingum fyrir veittan stuðning á liðnum árum.