Það hefur verið í mörg horn að líta hjá Mælifellsmönnum í haust en þeir eru verktakar við byggingu nýrrar fiskmjölsverksmiðju HB Granda hér á Vopnafirði. Þann 3.des voru þeir að steypa nýtt gólf í mjölskemmu félagsins og vegna aðstæðna var ekki komið við nýtísku græjum og notast þurfti við hjólbörur til að koma steypunni á sinn stað. Steypu magnið var um 70 rúmmetrar svo þetta voru nokkur þúsund hjólbörur af steypu. Hér fyrir neðan má sjá myndband af því þegar gólfið var steypt.