Æskulýðsmót fyrir unglinga í 8.-10. bekk verður haldið á Vopnafirði núna um helgina. „Lofið Guð með bumbum og gleðidansi" (Sálmur 150) er yfirskrift mótsins og vísar til megindagskrár mótsins sem er kennsla í dansi og trommuslætti. Sköpunarkraftur og sköpunargleði unga fólksins verður því í fyrirrúmi á þessu móti - og er það ekki einmitt það sem við þurfum á að halda á erfiðum tímum?
Mótinu lýkur á sunnudaginn með guðsþjónustu í Vopnafjarðarkirkju, þar sem
unglingarnir munu sýna afrakstur helgarinnar og biskup Íslands, Karl
Sigurbjörnsson, mun prédika og þjóna fyrir altari. Guðsþjónustan er öllum
opin og áhugasamir eru hvattir til þátttöku í henni.