Á sunnudagskvöldið var beðið um aðstoð björgunarsveitar vegna bíls sem var fastur á Hellisheiði. Var um að ræða erlenda ferðamenn sem ekki höfðu skilið merkingar vegagerðarinnar og haldið á heiðina en hún er ófær og auglýst þannig. Bíllinn sem ferðamennirnir voru á var ágætlega útbúinn til vetraraksturs en Hellisheiðin var honum ofviða og sat hann fastur í miðjum brekkum Vopnafjarðarmegin. Fór Björgunarsveitin Vopni á staðinn og losuðu bílinn og komu honum niður af heiðinni.