Nú gengur mikið á við flutninga á tækjum úr gömlu fiskmjölsverksmiðju HB Granda yfir í þá nýju. Öll eru tækin stór og þung en þau þyngstu eru um 100 tonn. Stórir kranar hafa verið notaðir við að hífa tækin upp um þak gömlu verksmiðjunnar og inn í það nýja. Mælifellsmenn eru að ljúka við að loka nýja húsinu og var unnið að kappi við þakið í vikunni og nú er verið að klæða turninn. Þetta er mikið verk en miðar ágætlega en stefnt er að því að verksmiðjan fari í gang um mánaðarmótin jan - feb á næsta ári.