Á laugardaginn, 20. ágúst kl. 14:00 og 16:00 verður það gömul og stúrin vinnukona sem sýnir safnið. Kaka helgarinnar er súkkulaðikaka með marengs, rjóma, ávöxtum og karamellubráð og kosta herlegheitin 600 kr. Kaffi fylgir frítt með og djús fyrir börnin.

Nú er hver að verða síðastur að líta á myndlistasýningu Kára Sigurðssonar „Lækur tifar“. Frábærlega fallegar myndir af íslenskum fjallalækjum teiknaðar með vaxkrít, penna og blýanti. Allar myndirnar eru til sölu. Látið þetta ekki framhjá ykkur fara. Nú fara dýrin að fara á vetrarheimili sín og því um að gera að kíkja við og kveðja þau í bili.