Lundey kom um 9 leitið í morgun með fyrstu loðnuna á þessu ári til Vopnafjarðar. Þetta er stór og falleg velhaldin loðna sem veiddist austur úr Langanesi þar sem mörg skip eru á veiðum þar á meðal Faxi og Ingunn sem senn koma inn til löndunar á Vopnafirði.
Það má geta þess að loðnan var það fersk að hún spriklaði enn þegar búið var að dæla henni úr skipinu inn í frystihús.