Valmynd

Könnunin

Veðurstofa Íslands

Vegagerðin

Dægradvöl

Farið yfir Haug á gönguskíðum.

Á Föstudaginn langa fóru nokkrir göngugarpar frá Grímsstöðum á Fjöllum á gönguskíðum yfir Haug til Vopnafjarðar. Gengið var meðfram gömlu símalínunni sem liggur á milli Grímsstaða og Hauksstaða og gist eina nótt í Austara símahúsi á Urðum.
Fyrri dagleiðin sem liggur yfir Haugsöræfi er um 32 km. Byrjaði ferðin vel í góðu veðri en um kvöldmatarleitið versnaði veðrið til muna og skyggnið var afar takmarkað. Þá var göngufólk statt við Vestara símahús en eftir um klukkustundar göngu á fjallgarðinum lagaðist veðrið og létti til með flottu fullu tungli.

Tunglið vísaði leiðina í Austarahús og þar var komið um kl. 22 í misheitan kofann en á borðum var hangiket ættað frá Hauksstöðum með kartöflum og uppstúf sem yljaði göngugörpum.

Eftir góðan nætursvefn var haldið af stað til Hauksstaða í norðan garra en sólin glennti sig öðru hvoru en hafði lítil áhrif. Endaði ferðin svo í rjúkandi kaffi og kökum hjá sómafólkinu á Hauksstöðum.
Jón Sigurðarson | þriðjudagurinn 25. mars 2008

Skrifaðu athugasemd:


Til baka

Fleiri fréttir

RSS

18.05.2012 | Fréttablaðið Vísir

Folaldið var nefnt álfunum til heiðurs

„Við nefndum folaldið Álf sem smá virðingarvott við þessa nýju fjölskyldu sem sest er að hérna í Eyjum“, segir Gunnar ...
Meira
Fleiri blogg
Augnablik... Loading...
Vefumsjón