Kæru Vopnfirðingar
Nú er komið að nýjum dagskrárlið en þó gömlum.
Stefnt er að því að sameina öll "hverfisgrillin" í eitt föstudagskvöldið 15. ágúst við Vopnafjarðarskóla. Hreppsgrillið verður til staðar en þeir sem vilja sleppa við kolabragðið geta komið með sín eigin gasgrill, bara gott mál. ANDLITSMÁLUN, HOPPUKASTALI, og hin heimsfræga
hljómsveit á Íslandi HÚNARNIR slá á létta strengi og húðir. RÓBERT NIKK OG FÉLAGAR láta sjá sig og svo verða leikir fyrir krakkana. Þetta er í fyrsta sinn sem þetta er gert og nú komum við Vopnfirðingar allir saman og kveðjum sumarið og vonum að við getum gert þetta að árlegum viðburði. Hver mætir með sinn mat og drykk. Áætluð tímasetning er frá kl 19:00 til ????. Stefnt er að því að loka götunni svo fólk er hvatt til að koma gangandi. Gaman væri að sem flestir myndu skreyta hús sín t.d. með blöðrum og ljósaseríum.