Vegagerðin hefur nú auglýst eftir tilboðum í gerð Norðausturvegar, frá Bunguflóa að Vopnafirði og hluta Hofsárdalsvegar. Verkið er einnig auglýst á Evrópska efnahagssvæðinu. Verkinu á að vera lokið haustið 2012. Norðausturvegur verður um 30,4 km langur og liggur frá Bunguflóa, um Vesturárdal að þéttbýlinu á Vopnafirði. Hofsárdalsvegur liggur frá nýja Norðausturveginum í Vesturárdal yfir að Árhvammi í Hofsárdal, og verður hann 6,8 km langur. Endurbæta þarf 0,85 km af Skógavegi frá Vesturárdalsvegi vestur fyrir tengingu við Torfastaðaveg. Nýjar tengingar verða um 1,6 km að lengd. Lagningu slitlags á Norðausturveg skal lokið fyrir 15. ágúst 2011 og verkinu skal að fullu lokið fyrir 15. nóvember 2012.