Það var í nokkuð mörg horn að líta hjá félögum í Vopna í síðustu viku en þá voru þeir við hálendisgæslu. Héldu þeir til í Jökuldal (Nýadal) á Sprengisandi en svæðið er æði stórt eða frá Jökulheimum í suðri til Réttartorfu í norðri.

Verkefnin voru af ýmsum toga allt frá bílveltum til kennslu á GPS tæki. Það vakti athygli okkar hvað margir sem þarna ferðuðust voru ekki með á hreinu hvar þeir voru staddir í heiminum eða hvaða æðstæður Íslenska hálendið biði uppá.

Ekkert alvarlegt kom upp á þessa viku sem betur fer en hér eru nokkrar myndir af því sem fyrir augun bar.