Valmynd

K÷nnunin

Ve­urstofa ═slands

Vegager­in

DŠgradv÷l

Aldra­ir - eign heilbrig­isstofnana?

Skjaldborg myndu­ um Sundab˙­ ß Vopnafir­i.
Skjaldborg myndu­ um Sundab˙­ ß Vopnafir­i.
Eins og komið hefur fram eru fáránlegar tillögur frá stjórn HSA um niðurskurð á Vopnafirði komnar upp á yfirborðið. Fólk hér á Vopnafirði og víðar er vægast sagt í áfalli yfir þessu. Ég rakst á grein sem ung kona frá Vopnafirði,hún Una Björk Kjerúlf, skrifar um þetta mál og lýsir vel um hvað málið snýst.

"Afi minn verður 94 ára í desember. Á eftir ömmusystur minni er hann næstelsti Vopnfirðingurinn. Bæði dvelja þau á legudeild Sundabúðar á Vopnafirði sem nú stendur til að loka. Amma mín býr í dvalaríbúð í Sundabúð og afi er þar lungann úr deginum, hann sefur niðri á legudeildinni en annars verja þau amma deginum saman uppi í litlu íbúðinni sem amma er nú skráð fyrir eftir að afi fluttist niður. Sigga ömmusystir mín, elsti Vopnfirðingurinn, kemur oft í heimsókn enda ekki um langan veg að fara. Þetta litla samfélag í Sundabúð er þeirra skjól, fasti punkturinn í tilverunni fyrir utan heimsóknir frá vinum og ættingjum.

Í dag fékk heimilis- og starfsfólkið í Sundabúð þá frétt að vegna niðurskurðar í heilbrigðiskerfinu ætti að loka legudeildinni og að öllu óbreyttu yrðu þær ellefu manneskjur sem þar dvelja fluttar í önnur byggðalög í nafni hagræðingar. Ég er fyrst og fremst hissa og hneyksluð. Hissa á að stjórnendur Heilbrigðisstofnunar Austurlands (HSA) skuli bera fram svo illa ígrundaðar og ólögmætar áætlanir og hneyksluð á framkomunni við starfsfólk og íbúa Sundabúðar, já og Vopnafjarðar eins og hann leggur sig því áætlanir sem þessar hafa áhrif á allt samfélagið. Eru lýðræðisleg vinnubrögð og almenn kurteisi fokin út í veður og vind? Mátti ekki byrja á því að fá hugmyndir frá fólkinu sem starfar á staðnum um hvernig og hvar það telur best að hagræða? Í staðin koma skipanir frá toppi pýramídans og þeim sem neðar starfa kemur ákvarðanatakan ekki við. Ég hélt það væri komið nóg af þessum stjórnunarstíl. Já og hvað með mannréttindi? Á að skera þau niður líka?

Við stjórnendur HSA og þá sem hærra sitja á pýramídanum hef ég þetta að segja: Hver ætlar að taka það að sér að svipta þetta aldraða fólk búsetu sinni, flytja það gegn vilja sínum í annað sveitafélag þar sem það á enga að. Nauðungaflutningar heitir það réttu nafni. Ég vil fá nöfn takk!

Þið komið ekki og kastið svona sprengju inn á elliheimili og labbið svo burt. Þið terroriserið ekki gamalt fólk og skiljið það eftir í uppnámi. Þið bjóðið öldruðum ekki upp á geðshræringu, áhyggjur og andvökunætur um hvort það verði tekið frá fjölskyldum sínum og sent hreppaflutningum í annað hérað. Þið sundrið ekki fjölskyldum og skiljið í sundur öldruð hjón, varnið þeim að eyða ævikvöldinu í návist hvors annars. Svona gerir maður ekki. Það veit og sér hver maður að þetta er rangt og ekki bara rangt heldur ólöglegt. Að sundra fjölskyldum, nema fólk óviljugt á brott og koma því fyrir á meintum hagkvæmari dvalarstað er hreint og klárt mannréttindabrot. Ég velti fyrir mér hver réttur aldraðra sjúklinga er. Eru þeir eign heilbrigðisstofnana? Má fara með þá eins og hverja aðra mublu sem er flutt húsa á milli? Til að geta gert það þarf að svipta fólkið sjálfræði fyrst. Þetta fólk, þó aldrað sé, hefur enn sitt sjálfræði. Það er kannski hætt að kjósa og á ekki mörg ár eftir á kjörskrá en það hefur sín mannréttindi og sitt stolt. Það hefur líka tilfinningar, þær verða ekki skornar niður.

Við skulum bara kalla hlutina sínum réttu nöfnum. Það er ekki verið að flytja sjúkradeildir. Sjúkradeildir eru ekki sjúkradeildir nema fyrir það að á þeim dvelur fólk. Að flytja sjúkradeild er ekkert annað en að flytja fólk. Við erum ekki að tala um húsnæði eða deildir heldur fólk; afa okkar og ömmur, mæður og feður, sem eiga betra skilið en að vera flutt nauðungaflutningum eins og fangar.

Afi minn hefur skoðanir fyrir hvert ár sem hann hefur lifað og ég veit að hann hefur ekki áhuga á að vera sendur burt úr firðinum sínum, frá fólkinu sínu. Hann yrði því aldrei samþykkur. Ég trúi ekki að mannréttindi eldri borgara, fólksins sem lagði grunnin að því samfélagi sem við lifum í, verði að engu höfð. Ég vona að þeir sem halda niðurskurðarhnífi heilbrigðiskerfisins á lofti sjái hve móðgandi og taktlausar tillögur sem þessar eru. Með svona aðgerðum eru þeir í besta falli að míga í skóinn sinn, í versta falli að rista samfélagið á hol.

Gengur betur næst hjá þeim...miklu betur."

RSS

10.09.2017 | Faxagengi­

ReykjavÝkurh÷fn 20. j˙nÝ 2015.

Faxi RE 9
Faxi RE 9
Jæja jæja,þá er best að koma með eina færslu eftir langt hlé enþað var far...
Fleiri blogg
Augnablik... Loading...
Vefumsjˇn