Það eru ákveðin forréttindi að  búa út á landi, ekki síst á Vopnafirði. Það þarf ekki að taka mörg skref til að komast í ævintýraheim sem engu er líkur. Þetta er skoðun nokkurra telpna sem fóru í göngutúr í gær.

 Annars eru ævintýri þannig að þau skapast um leið og maður upplifir og það gerist oft þegar farið er á  staði sem maður fær ekki að fara dagsdaglega. Farið var út í sker sem oftast er ekki hægt að fara út í vegna þess að sjórinn er of djúpur en að þessu sinni var svo mikil fjara að það var hægt. Það var býsna spennandi að vera á flæðiskeri staddur.