Vopnafjörður / Bloggarar / Leikskólinn

Dagur leikskólans

Í dag 6. feb. er dagur leikskólans haldinn hátíðlegur. Börnin byrjuðu á því að flagga og lögðu síðan af stað í gönguferð um bæinn. Þau ætla að hengja upp myndir af sér og listaverk eftir sig á nokkrum stöðum í bænum og syngja líka nokkur lög :) Síðan fara þau í Pizzu veislu á hótelið ;)

Leikskólinn | mánudagurinn 6. febrúar 2012

Loksins loksins :)

Þá er loksins komið að því að í Brekkubæ verði eldhús :) Mælifellsmenn vinna nú baki brotnu við smíðarnar og fín mynd komin á verkið. Í þessum áfanga verður eldhúsið og geymslan sem því fylgir kláruð. Við þetta losna börnin við uppþvottinn úr hvíldinni hjá sér og öll aðstaða við framreiðslu matar og uppvask gjörbreytist, sem hefur ekki verið viðunandi í mörg ár. Í sumar verður síðan farið í það sem eftir er, listastofu, ræstiherbergi og Wc með aðgengi fyrir fattlað fólk.

Leikskólinn | miðvikudagurinn 1. febrúar 2012

Afmælisbarn dagsins

Hún Berglind Vala átti 4 ára afmæli í gær og hélt hún upp á það í leikskólanum í dag og bauð okkur upp á snakk í tilefni dagsins. Til hamingju með daginn þinn elsku Berglind Vala og takk fyrir okkur.

Leikskólinn | mánudagurinn 23. janúar 2012

Bóndadagurinn :)

Í dag fengum við fullt af góðum gestum í leikskólann. Flestir kunnu vel að meta graut og slátur;) Takk kærlega fyrir komuna :)

Leikskólinn | föstudagurinn 20. janúar 2012

Afmælisbarn

Asia Jasmín hélt uppá afmælið sitt á mánudaginn. Hún bauð öllum á Hraunbrún uppá ís. Til hamingju með afmælið Asia og takk fyrir okkur :)

Leikskólinn | fimmtudagurinn 19. janúar 2012

Bóndadagur :)

Á föstudaginn er Bóndadagurinn :) Þá bjóðum við pabba okkar og afa í morgunmat (frænda ef þarf) í leikskólanum. Boðið verður uppá hafragraut og súrt slátur frá 8:15 til 9:00. Vonandi geta allir mætt :) Bestu kveðjur frá börnunum í Brekkubæ.

Leikskólinn | miðvikudagurinn 18. janúar 2012

Frí í leikskólanum :)

Ákveðið hefur verið að gefa starfsmönnum Vopnafjarðarhrepps frí 27. des. nk. Ákvörðun þessi er tekin á grunni þess að frídagar á komandi jólahátíð eru mjög fáir. Vonast er til þess að ákvörðun þessi mælist vel fyrir og valdi ekki óþægindum fyrir neinn sem verður af þjónustu sveitarfélagsins þennan dag. Þessu er hér með komið á framfæri. Með bestu kveðjum, Sveitarstjóri

Leikskólinn | miðvikudagurinn 21. desember 2011