Hátíð er frammundan:   Dagar myrkurs á Austurlandi

Viðburður í Minjasafninu á Bustarfelli

"Það stendur í stjörnunum"

Laugardaginn 12. nóvember kl. 17:00 og kl. 20:00

Fyrri dagskrá endar með veitingum en sú seinni hefst á góðgætinu

Og þín og þinna er svo sannarlega vænst, reyndar beðið með óþreyju, því það verður gaman og mikið fjör.

 

• Tónleikar í ?Sparðinu? hvar Baldvin Eyjólfs og Vopnfirskir söngvarar stytta okkur stundir.

• Tónlist og rökkursögur í baðstofunni

• Verkefnasýning frá leik- og grunnskóla

• Stjörnukort dagsins

• Spáð í spilin og bolla, ath að allt er til gamans gert

• Súpa, brauð, kaffi,kakó,djús og meðlæti

 

Það sem meira er að allt þetta kostar einvörðungu 1300 kr. fyrir 13 ára og eldri.  Frítt fyrir yngri en 13 ára.

Menningarmálanefnd Vopnafjarðar og Minjasafnið

Methúsalem Einarsson tók ásamt Birnu systur sinni, myndir fyrir okkur á safnadaginn. Þökkum við þeim kærlega fyrir.  Þess má geta að þau Methúsalem og Birna hafa í gegnum árin tekið myndir á safnadögum.  Myndasýning sú sem sýnd var í moldarkofanum á safnadaginn eru því margar eftir þau, frá ýmsum tímabilum. Hér má sjá þær:)

 Hljómsveitin Brother Grass verður með tónleika í stóra tjaldinu við hlið Hjáleigunnar á Minjasafninu á Bustarfelli næstkomandi fimmtudagskvöld, þann 21. júlí.

 

 

Til sölu verður ljúffeng og endurnærandi kjötsúpa í glasi og fleira góðgæti, sætt og ósætt frá kl. 20:00 í Hjáleigunni á vægu verði.

Tónleikar Brother Grass hefjast kl. 21:00 og aðgangseyrir er einungis 1000 kr.

Þvottabali ? Gítar ? Regnstokkur ? Gleði ? Hamingja ? Blue Grass ? Folk Blues ? Old time mountain HillBilly Music

Meiri upplýsingar um hljómsveitina og tóndæmi má finna með því að ýta hér.

Hlökkum til að sjá ykkur

 

Safnadagurinn sem var haldinn hátíðlegur þann 10. júlí 2011 hér á Minjasafninu á Bustarfelli tókst með eindæmum vel.  Sólin lét ekki á sér standa þó svo lofthitinn hafi ekki verið hár.  Tæplega 300 manns heimsóttu Minjasafnið á þessum degi og þökkum við gestum okkar fyrir komuna og vonum að þeir hafi skemmt sér jafnvel og við gerðum.

Birna Einarsdóttir aðstoðaði okkur við að taka myndir frá deginum og má finna þær með því að ýta hér:)

 

Minjasafnið á Bustarfelli gjörir heyrinkunnugt...

 

Safnadagurinn 2011 verður

10. júlí

...og þín og þinna er beðið með óþreyju.

Glaumur -Gleði-Gaman

Dagskráin hefst kl. 14:00.  Allskonar góðgæti á boðstólum, gamlar verkhefðir sýndar. Spunnið, kembt, ofið, saumað út, skorið, slegið, spjallað, prjónað, borðað, strokkað og hlegið.

Myndasýning frá liðnum safnadögum í moldarkofanum og handavinnupokasýning í ?Sparðinu?.

Myndlistarsýningin ?lækur tifar? eftir Kára Sigurðsson í Hjáleigunni.

Aðgangseyrir 900 kr. fyrir 13 ára og eldri.  Frítt fyrir yngri en 13 ára.

Grámann í Garðshorni og öll hin dýrin: Grísinn Ojnka, Kibba       kiðlingur,  heimalningar, kálfurinn Sjú Sjú, kettlingar, hestar, ungar o.fl. o.fl.

Verið ávallt velkomin

Undanfarnar tvær vikur hefur hópur frá alþjóðasjálfboðaliðasamtökunum SEEDS tekið til hendinni á Bustarfelli og hjálpað okkur við að gera safnið klárt fyrir sumarið, ásamt öðrum hlutum sem takast þurfti á við.  Nú hefur hópurinn lokið störfum og þökkum við Kiu, Ilja, Ölbu, Ellí og Goshju fyrir jákvæðni og dugnað þessa daga og óþrjótandi hugmyndaflug við að gera upplifunina sem skemmtilegasta þrátt fyrir óskemmtilegt veður.

Að skilnaði gáfu þau okkur þessa myndasýningu (ýtið hér), sem okkur þótti mjög vænt um, og sýnir vel lífsgleði þeirra og dugnað.  Við þökkum þeim kærlega fyrir

Næstkomandi föstudag, 10. júní 2011, opnar

Minjasafnið á Bustarfelli og Kaffihúsið Hjáleigan og

heilsa nýju sumri

 

Í Hjáleigunni hefur Kári Sigurðsson sett upp myndlistasýningu sem er sölusýning. Sýningin ber heitið "Lækur tifar" og samanstendur af 22 myndum af íslenskum lækjum.  Sjón er sögu ríkari.

Í sumar geta Vopnfirðingar keypt aðgangskort að Minjasafninu á Bustarfelli sem gildir í allt sumar að safnadeginum 10. júlí undanskildum.  Viljum við með þessu hvetja Vopnfirðinga til að líta oft við og jafnvel koma með gesti sína á þetta einstaka safn sem við höfum hér við bæjardyrnar.  Aðgangskortið kostar 700 kr. fyrir fullorðna og 100kr. fyrir börn á aldrinum 9 - 13. ára.

Minjasafnið er opið alla daga til 10. september frá kl. 10:00 til 18:00Kaffihúsið Hjáleigan er opin alla daga til 10. september frá kl. 12:00 til 18:00.

Hlökkum til að sjá ykkur

 

Undanfarna daga hefur safnið iðað af athafnasemi þar sem verið er að undirbúa það undir sýningu sumarsins.

Fimm ungmenni frá alþjóðasjálfboðaliðasamtökunum SEEDS hafa verið okkur til aðstoðar og skilað starfi sínu með mikilli prýði og reyndar gott betur en það. Þau hafa verið virkilega áhugasöm og jákvæð þrátt fyrir að veðrið hafi ekki verið sem allra best.  Kunnum við þeim okkar allra bestu þakkir fyrir alla aðstoðina sem er ómetanleg. 

Við höfum nú sett inn í myndaalbúmið okkar myndir frá störfum þeirra sem Jósep Jósepsson var svo vinsamlegur að taka fyrir okkur og má nálgast hér.

 

 

Minjasafnið á Bustarfelli auglýsir:

Útsaumsnámskeið þar sem kennd verða mörg af gömlu og góðu sporunum.

Krosssaumur ? Glitsaumur ? Gamli glitsaumurinn ? Vefnaðarsaumur ? Gamli krosssaumurinn: flettus ? Skakkaglit ? Augnsaumur ? Harðangursklaustursaumur ? Refilsaumur? Ýmiskonar útsaumsspor: leggs o.fl. ? Feneyjarsaumur ? Kúnstbroderí ? Blómasaumur ? o.fl...

Námskeiðið er 45 kennslustundir; kennt verður tvær helgar.  Guðrún Sigurðardóttir handmenntakennari á Egilsstöðum leiðbeinir og verður námskeiðið haldið í kaffihúsinu Hjáleigunni á Bustarfelli ef næg þátttaka fæst.

8. apríl, kl. 20:00 ? 23:00,  9. apríl, kl. 10:00-19:00 og 10. apríl frá 10:00-16:00.

29. apríl, kl 20:00-23:00, 30. apríl, kl. 10:00 ? 19:00 og 1. maí, kl. 10:00-16:00

Innifalið í verði er: allt efni, léttur hádegisverður og kaffi með meðlæti bæði fyrir og eftir hádegi

Verkalýðsfélögin niðurgreiða oft námskeið af þessu tagi, athugið það.  Og allt þetta á 30.000 krónur.

Skráning og upplýsingar hjá Fanneyju í síma 844 ? 1153 eða á netfangið bustarfell@simnet.is